Hlutverk Kennslumálasjóðs Háskóla Íslands er að stuðla að nýmælum í kennsluháttum og endurbótum á kennslu við háskólann. Kennslumálanefnd auglýsir eftir styrkumsóknum einu sinni á ári.
Sjá upplýsingar um umsóknarfrest og vinnureglur á Uglunni.
Fyrri úthlutanir úr Kennslumálasjóði:
2019-2023 auglýsti kennslumálanefnd háskólaráðs einu sinni á ári eftir umsóknum um styrki til kennsluþróunar í formi kennsluafsláttar og má finna lista um úthlutanir á þessu tímabili hér neðar. Árið 2024 var tekið upp nýtt fyrirkomulag en nú geta deildir sótt um kennsluafslátt fyrir þá kennara í 50-100% starfi sem lokið hafa námskeiðinu STM105F Inngangur að háskólakennslu. Nánar um fyrirkomulagið og umsóknareyðublað má finna hér á Uglunni.
Fyrri úthlutanir:
Sjá úthlutun 2023
Sjá úthlutun 2022
Sjá úthlutun 2021
Sjá úthlutun 2020
Sjá úthlutun 2019
Sáttmálasjóður er rannsóknatengdur sjóður fyrir akademíska starfsmenn. Hann veitir ferðastyrki til fastra kennara í fullu starfi, auk vísindamanna, fræðimanna og sérfræðinga. Almennir starfsmenn geta sótt um annaðhvert ár.
Sjá nánari upplýsingar um úthlutunarreglur og umsóknareyðublöð á Uglunni
Alþjóðasvið kallar eftir umsóknum um Erasmus+ styrki til kennara- og starfsmannaskipta. Um er að ræða ferða- og dvalarstyrki og skal dvölin vara í tvo til sextíu daga.
Upplýsingar um umsóknarfrest er að finna hjá alþjóðasviði
Félagsmenn hinna ýmsu kjarafélaga eiga þess kost að sækja í starfsmenntunarsjóði félaganna vegna endurmenntunar, námskeiða, ráðstefna , námsstefna og margt fleira.
Mismunandi reglur gilda fyrir þessa sjóði og best er að kynna sér reglur og umsóknarferli á heimasíðu stéttarfélaganna.
Hér má sem dæmi nefna starfsmenntunarsjóð BHM og starfsmenntunarsjóð SFR.