Hvað er átt við?
- Almennar próflotur þvert á fræðasvið háskólans við enda haust- og vormisseris.
- Prófaskrifstofa sér um skipulag og framkvæmd slíkra prófa í samráði við kennara/deildir.
- Oftast er um að ræða lokapróf námskeiða sem kennari hefur þegar skilgreint hvað vegi mikið í lokaeinkunn.
- Prófstjóri hannar próftöflur fyrir öll svið háskólans og sendir sviðum/deildum reglulega til yfirlestrar.
- Starfsfólk sviða/deilda áframsenda á sína kennara og kalla eftir athugasemdum um tímasetningar prófa o.þ.h.
- Reynt er eftir fremsta megni að bregðast við þeim óskum og athugasemdum sem fram koma.
- Þegar endanleg próftafla er tilbúin er taflan birt í Uglu sem og á heimasíðu Háskóla Íslands.
- Í Uglu, undir „Námskeiðin mín“ geta kennarar séð próftöfluna undir „Próftaflan mín“ en auk þess er próftaflan sýnileg gegnum eftirfarandi tengil: UGLA-Próftafla
- Það sama á við um nemendur.
Hvað felst í framkvæmd og skipulagningu Prófaskrifstofu?
- Eins og kom fram hér að ofan gefur Prófstjóri Háskóla Íslands út miðlægar próftöflur, sýnilegar nemendum, fyrir öll svið Háskóla Íslands og á það einnig við um sjúkra- og endurtökupróf.
- Einnig birtast hlutapróf sem Prófaskrifstofa skipuleggur og framkvæmir í próftöflu nemenda.
- Prófaskrifstofa ræður prófverði sem sinna framkvæmd prófsins og tryggja öryggi þess.
- Prófaskrifstofa sér um að bóka prófstofur og raða nemendum í þær.
- Sú röðun, í hvaða prófstofu og í hvaða sæti nemandi á að þreyta próf sitt, kemur svo fram á próftöflu sérhvers nemanda.
- Kennari sér yfirlit yfir prófstofur inni á próftöflunni sinni í Uglunni.
- Stofuauglýsing hangir utan við allar prófstofur með nöfnum og borðanúmerum þeirra nemenda sem eiga að vera þar. Nemandi getur leitað að nafni sínu á stofuauglýsingunni til að staðfesta að hann sé á leið í rétta prófstofu.
- Hér er beinn tengill í Próftöflu innan Uglu: Próftaflan mín
- Hér er tengill á starfsmannasíðu Prófstjóra: Prófstjóri Háskóla Íslands
- profstjori@hi.is er netfangið sem starfsfólk Háskóla Íslands getur notað til að fá almennar upplýsingar um próf og próftöflur.
Hér er átt við ýmiskonar verkefni og próf, hluta og/eða lokapróf sem kennari heldur á eigin vegum, án aðkomu Prófaskrifstofu.
Próf eða verkefni sem eru ekki framkvæmd af Prófaskrifstofu birtast EKKI á próftöflum nemenda í Uglu.
Því er mikilvægt að kennari haldi nemendum sínum upplýstum um:
- Auglýsa fyrir nemendur sína tíma- og staðsetningu prófanna.
- Að nemendur geti látið kennara vita ef þeir eiga rétt á sérúrræðum.
- Kennari getur svo fengið ráðleggingar um framkvæmd sérúrræða, ef einhver eru, hjá Námsráðgjöf - prof-namsradgjof@hi.is
ATH: Kennari getur þó alltaf óskað eftir aðkomu Prófaskrifstofu varðandi framkvæmd prófa sinna í heild eða að hluta með því að fylla út umsóknareyðublaðið Ósk um aðstoð prófaskrifstofu vegna framkvæmdar prófs
- Með útfyllingu umsóknareyðublaðsins getur kennari t.d. óskað aðeins eftir tækniaðstoð við uppsetningu Inspera prófs og aðstoð við upphaf prófsins.
- Enginn kostnaður fylgir slíkri aðstoð.
- Sé óskað eftir því að Prófaskrifstofa sjái um framkvæmd prófa rata slík próf inn í miðlæga Hlutapróftöflu þess misseris sem við á.
- Prófaskrifstofa útvegar þá prófverði en framkvæmdin felur í sér ákveðinn kostnað sem fellur á kennslueiningu.
- Í þeim tilvikum gildir einnig að nemendur geta nálgast tíma- og staðsetningu prófsins gegnum „Próftaflan mín" eins og fyrir almenn próftímabil.
Nánari upplýsingar um próf á vegum kennara má finna gegnum eftirfarandi tengil: UGLA - Próf á vegum kennara og sérúrræði