Gervigreind í kennslu – Hvað má og hvað ber að varast?

✅ Mælt er með eftirfarandi:

  • Vernda persónuupplýsingar nemenda

Forðist að setja nemendaverkefni eða annað efni í gervigreindartól ef það getur leitt til auðkenningar einstaklings – jafnvel þótt nafn sé fjarlægt. Þetta á við ef efni, námskeið, bekkjarseta eða ritstíll gæti tengst tilteknum nemanda. Hins vegar er heimilt að nota almenn verkefnaform, matsviðmið eða hlutlaus dæmi sem ekki tengjast einstaklingum.

  • Tryggja gagnsæi í notkun gervigreindar

Upplýsið nemendur um hvort, hvernig og í hvaða tilgangi gervigreind er notuð í kennslu og námsmati, t.d. við gerð verkefna, greiningu svara eða mótun endurgjafar.

  • Fræða um takmarkanir og hlutdrægni

Kennið nemendum að greina hvernig gervigreind vinnur úr gögnum og hvers vegna niðurstöður geta verið skekktar, villandi eða ónákvæmar. Ræðið samanburð, hlutdrægni og þörfina fyrir gagnrýna hugsun.

  • Viðhalda þekkingu og fylgjast með þróun

Vertu upplýst(ur) um nýjustu strauma í tækniþróun, regluverki og notkunarmöguleikum.

  • Tryggja samræmi við persónuverndarlög (GDPR)

Notið einungis þau gervigreindartól sem tryggja örugga meðhöndlun gagna og eru í samræmi við persónuverndarlöggjöf og reglur Háskóla Íslands – t.d. tól sem hvorki geyma gögn né senda þau út fyrir Evrópska efnahagssvæðið.

  • Hvetja til sjálfstæðrar vinnu

Skipuleggið verkefni sem krefjast frumleika, persónulegrar nálgunar eða munnlegrar framsetningu. Slíkar aðferðir draga úr líkum á óviðeigandi notkun gervigreindar.

 

⛔ Forðastu eftirfarandi:

  • Að setja inn persónugreinanleg gögn í spurningar eða skipanir til gervigreindar

Þar á meðal eru nöfn, kennitölur, bekkjaskipting eða sértækt námsefni sem tengist auðkennanlegum nemendum.

  • Að nota gervigreind án þess að upplýsa nemendur

Skortur á gagnsæi getur grafið undan trausti og valdið misskilningi um framkvæmd námsmats og kennslu.

  • Að treysta í blindni á úttak gervigreindar

Allt efni frá gervigreindartólum þarf að fara í gegnum faglega yfirferð, mat og aðlögun af hálfu kennara áður en það er nýtt í kennslu eða mati.

  • að nota óörugg tól sem senda gögn utan EES

Slík notkun getur brotið gegn persónuverndarlöggjöf og stefnumótun Háskóla Íslands um meðferð viðkvæmra upplýsinga.

  • Að skylda nemendur til að nota gervigreindartól án upplýsts samþykkis

Notkun gervigreindartóla í námi skal vera valkvæð og byggjast á skýrum upplýsingum og frjálsu, upplýstu samþykki nemenda.

 

Nánar: Sjá Rammaviðmið um notkun gervigreindar við Háskóla Íslands og Leiðbeiningar um AI fyrir nemendur og kennara