Nemendur látnir útskýra notkun sína á gervigreind

Ofuráhersla á gervigreind í ritgerðarskrifum getur leitt til að ritgerðir verði yfirborðskenndar og þungar í lestri. Ein leið til að draga úr þeirri hættu er að endurhanna sjálft verkefnið þannig að það styðji við sjálfstæða hugsun: skipta því upp í nokkur skref og veita leiðsögn í hverju skrefi.

Dæmi um ritgerðarverkefni sem er skipt í fimm hluta:

Umfjöllunarefni (250–500 orð)

• Markmið: Afmarka viðfangsefni ritgerðar og rökstyðja mikilvægi þess.
• Notkun gervigreindar: Nemandinn má nýta gervigreind til að afla hugmynda, finna lykilorð eða spurningar. Ritun textans skal þó alfarið vera í höndum nemandans.
• Ábending: Notaðu gervigreind sem samtalsfélaga frekar en höfund verkefnisins.

Forkönnun og heimildaskrá

• Markmið: Safna að lágmarki tveggja blaðsíðna heimildaskrá samkvæmt viðeigandi heimildaskráningakerfi (t.d. MLA, APA eða Chicago).
• Notkun gervigreindar: Nemandinn má nýta gervigreindina við heimildaleit, en mat á gæðum þeirra og úrvinnsla skal vera í höndum nemandans.
• Ábending: Láttu nemendur skrá niður og skilgreina hvaða kvaðningar voru notaðar í leitinni.

Beinagrind ritgerðar og meginhugmynd

• Markmið: Setja fram vinnutilgátu og drög að röksemdarfærslu.
• Notkun gervigreindar: Nemandinn má nota gervigreind til að prófa mismunandi uppsetningar, en nemandinn velur og mótar lokaútfærsluna sjálfur.
• Ábending: Notaðu verkfærið til endurspegla eigin hugmyndir, ekki til að búa þær til.

Drög að ritgerð

• Markmið: Skrifa heildstætt uppkast að ritgerð með inngangi, meginmáli og niðurstöðum.
• Notkun gervigreindar: Ekki er heimilt að nýta gervigreind í þessum hluta.
• Ábending: Lögð er áhersla á þróun hugmynda frekar en fullkominn texta – nemendur fá endurgjöf og vinna áfram út frá henni.

Lokaritgerð

• Markmið: Skila vandaðri og uppfærðri ritgerð.
• Notkun gervigreindar: Heimilt er að nýta gervigreind til að bæta málfar og framsetningu, en ekki til að bæta við nýju efni eða breyta röksemdarfærslu.
• Upplýsingaskylda: Nemandi á að bæta við stuttri greinargerð aftan við heimildaskrá, þar sem fram kemur hvernig gervigreindin var notuð.

Dæmi um greinargerð í ritgerð um notkun gervigreindar:

„Við gerð þessarar ritgerðar nýtti ég gervigreind við [hugmyndavinnu / prófarkalestur] til að [lýsa notkun]. Ég yfirfór og sannreyndi sjálf(ur) allar [heimildir / upplýsingar]." 

Ef gervigreind var ekki notuð þarf einungis að skrifa: „Gervigreindin var ekki nýtt við gerð þessarar ritgerðar.“