Nám í Canvas
Canvas er námsumsjónarkerfi Háskóla Íslands. Öll námskeið eiga kennsluvef í Canvas og þar hafa nemendur yfirlit yfir skipulag námskeiðs, finna námsefni og skila verkefnum. Einkunnir fyrir verkefni og hlutapróf eru alla jafna skráðar í Canvas en lokaeinkunn námskeiðs er skráð í Uglu.
Á kennsluvef námskeiðs veitir kennari nemendum aðgang að kennsluáætlun og námsefni námskeiðs, hvort sem það eru skjöl eða upptökur.
Kennsluvefur er líka samskiptagátt fyrir nemendur og kennara, þar sem hægt er að ræða viðfangsefni námskeiðsins í umræðuþráðum. Nemendur geta skilað fjölbreyttum verkefnum í Canvas, sem heldur þá utan um verkefnaskilin og auðveldar endurgjöf með SpeedGrader verkfærinu. Fjölmörg önnur verkfæri er að finna í Canvas, svo sem matskvarða, jafningjamat, stutt próf (e. quiz), myndbandsendurgjöf og fleira.
Hvar fæ ég aðstoð
Nemendur geta sent póst á help@hi.is og fengið aðstoð með notkun á Canvas.
Algengar spurningar nemenda
Verkefnaskil
Þegar kennari hefur sett upp skilahólf fyrir verkefni í Canvas þarft þú einfaldlega að opna skilahólfið með því að smella á tengilinn fyrir það.
Síðan velur þú þá skrá sem á að skila. Þú getur hlaðið upp skrá af tölvunni þinni eða dregið hana inn í skilahólfið (1), sótt skrá úr Canvas skráarsafninu þínu (2) eða skilað inn myndbandi úr Canvas Studio (3).
Leiðbeiningamyndband um verkefnaskil nemenda
Þegar kennari hefur gefið endurgjöf á verkefni getur nemandi skoðað hana með því að smella á Einkunnir í valmynd námskeiðs.
Hafi kennari skrifað athugasem er smellt á athugasemdamerkið lengst til hægri. Ef nemansi smellir síðan á heiti verkefnisins fást meiri upplýsingar um skilin og frekari endurgjöf ef hún á við.
Kennari stýrir því hvort nemendur megi skila verkefni oftar en einu sinni. Ef það er í boð að skila aftur, smellir nemandi einfaldlega á verkefnið og smellir svo á Reyndu aftur, neðst á síðunni.
Til þess að sjá öll verkefni sem á að skila í námskeiði er smellt á Verkefni í valmynd námskeiðs.
Hægt er að raða verkefnum eftir skiladegi eins og hér er sýnt, eða eftir tegund og þá sjá nemendur hvernig verkefnin raðast í verkefnahópa og hvert vægi verkefna er í lokeinkunn.
Hópavinna
Það eru ýmsir möguleikar til þess að stofna hópa í Canvas. Ef kennari hefur stofnað hópa og raðað sjálfur í þá eða látið Canvas raða í handahófskennt í hópa getur þú séð þá hópa með því að smella á Fólk í valmynd námskeiðs. Þar eru tveir flipar: Allir og Hópar. Til þess að sjá hópana sem þú ert í smellir þú á Hópar.
Ef nemendur eiga sjálfir að skrá sig í hópa er hægt að smella á Taka þátt fyrir aftan nafn hópsins:
Þegar kennari setur inn hópverkefni í Canvas skilar einn nemandi vekefninu fyrir hönd hópsins.
Verkefninu er skilað alveg eins og einstaklingsverkefnum, með því að smella á nafn verkefnisins og fara í gegnum sama ferli og í einstaklingsverkefnum, sem sýnt er hér að ofan.
Þegar kennari hefur svo lokið yfirferð og endurgjöf fá allir nemendur í hópnum aðgang að einkunninni og endurgjöfinni.
Umræður
Þegar kennari stofnar til umræðna í Canvas er einfalt fyrir nemendur að taka þátt í þeim. Fyrst er smellt á hlekkinn á umræðuna eða Umræður í valmynd námskeiðsins og finnur rétta umræðuþráðinn þar.
Til þess að svara umræðuþræðu er einfaldlega smellt á Svara
Kennarar geta stýrt því hvort umræða er nafnlaus eða ekki. Einnig er hægt að stilla umræðu þannig að nemandi velur hvort hún sé nafnlaus og þá er smellt á Svara sem og valið hvort innleggið er undir nafni eða ekki:
Munið að gæta velsæmis í svörum og að koma alltaf vel fram við aðra þátttakendur í námskeiði.