Velkomin á kennsluvef Aurora

Aurora er háskólabandalag níu evrópskra háskóla sem snýr að umbreytingu háskólanáms í þágu sjálfbærni og samfélagslegrar nýsköpunar. Aurora er eitt af fimmtíu háskólabandalögum Evrópu en með þeim er lagður grunnur að sameiginlegu menntasvæði Evrópu.

Samstarfið í kennslu snýst um að kenna til samfélagslegra áhrifa með innleiðingu kennsluaðferða og verkfæra sem byggja á sjálfbærni og þverfræðilegri nálgun. Hæfni nemenda þvert á fræðigreinar er forgangsmál hjá Aurora en hæfni nemenda er lykilatriði í að stuðla að samfélagslegri nýsköpun sem nauðsynleg er til að takast á við hnattrænar áskoranir heimsins. Auk þess hafa háskólarnir skuldbundið sig til að þróa saman og kenna sameiginlegt Aurora nám þvert á skólana.

Titill

Kennsla til samfélagslegra áhrifa

Kennsluhugsjón Aurora snýst um kennslu til samfélagslegra áhrifa með það að markmiði að útskrifa nemendur með hæfni og færni sem nýtist í þágu samfélagslegra breytinga. Til að ná markmiðinu leggur Aurora áherslu á fjögur atriði í kennslu:

Að þróa þverfaglegt námsefni sem taki mið af sjálfbærni og samfélagslegum áskorunum heimsins.
Að innleiða nýsköpun í kennslu með nemendamiðuðum og inngildum kennsluaðferðum.
Að hæfniviðmið nemenda miðist við frumkvöðlafærni, leiðtogahæfni og aðra almenna hæfni sem nýtist áskorunum framtíðar.
Að bjóða upp á alþjóðlegt nám og kennslu með viðkenndu skiptinámi sem eykur námsframboð og alþjóðahæfni nemenda.

Kennsluhugsjónin byggir á fjórum stoðum í kennslu: Hönnun námskeiða, miðlun námskeiða, hæfni nemenda og alþjóðlegri kennslu.

Kennsluaðferðir og kennsluverkfæri Aurora

Hönnun Aurora námskeiða

Aurora leggur áherslu á að kennsluefni háskóla hafi sjálfbærni að leiðarljósi og kennt sé þvert á fræðigreinar.

Miðlun Aurora námskeiða

Til að kennsla hafi samfélagsleg áhrif hefur Aurora valið sértækar kennsluaðferðir til að vera leiðarljósið í þeirri vegferð.

Hæfniviðmið Aurora

Aurora leggur áherslu á að hæfni nemenda sé ekki eingöngu fræðileg heldur líka almenn sem nýtist þeim til að takast á við samfélagslegar áskoranir.

Alþjóðleg kennsla

Alþjóðavæðing kennslu er kjarni Aurora sem ýtir undir alþjóðalega hæfni nemenda og gefur kennurum tækifæri til að efla sig í starfi.

Sameiginlegt Aurora nám

Stök Aurora námskeið

Aurora námskeið eru stök námskeið sem eru opin nemendum allra Aurora háskólanna.

Námskeiðið er auglýst í Aurora Kennsluskrá
Erlendir nemendur skrá sig í námskeiðið í gegnum HÍ skráningargátt stakra námskeiða og fá aðgang að Canvas og Inspera.
Þreyttar einingar erlendu nemanna enda hjá fræðasviði/deild.

Nýtt námskeið

Nýtt námskeið með skírskotun í sjálfbærni er þróað og kennt þvert á fræðigreinar og tvo eða fleiri Aurora háskóla. Þessi námskeið eru einnig tilvalin til að nýta Aurora kennsluaðferðir og verkfæri til að hámarka almenna hæfni nemenda í námskeiði.

Viltu finna samstarfsfélaga í kennslu í Aurora háskólunum?

Hafðu samband við Söndru Berg Cepero, verkefnisstjóri Aurora kennslu á Kennslusviði sandra@hi.is / 525-4896

Að nýta HÍ námskeið sem Aurora námskeið

Sá möguleiki er líka fyrir hendi að kennarar opni sín námskeið og breyti þeim í Aurora námskeið, með ákveðnum skilyrðum þó.

- Að námskeið sé kennt á ensku

- Að námskeið hafi tenging við eitthvert Heimsmarkmiða SÞ og áherslusviða Aurora

- Að námskeið taki mið af hæfniviðmiðum Aurora t.d LOUIS

- Að námskeið sé kennt með einhverri af Aurora kennsluaðferðunum t.d COIL

Dæmi um þátttöku HÍ Aurora námskeiði: Kveikja

Viltu bjóða námskeiðið þitt fram sem Aurora námskeið?

Fylltu út þessa stuttu umsókn eða hafðu samband við Söndru Berg Cepero, verkefnastjóra Aurora kennslu á Kennslusviði sandra@hi.is / 525-4896

Sameiginlegt Aurora örnám

Örnám (e. micro-credentials)

Örnám er stutt nám sem getur staðið eitt og sér eða hægt er að meta inn í lengri námsleiðir sem enda með námsgráðu.

Einkenni örnáms

Hæfni - nemandi safnar upp hæfni sem hentat hans þörfum og notagildi.

Sveigjanleiki - nemendi fær aukinn sveigjanleika til að þróa sína þekkingu og hæfni sem eflir hann persónulega og í starfi.

Inngilding - nemandi með óhefðbundinn bakgrunn; úr minnihlutahópi eða í viðkvæmri stöðu, fær tækifæri og aðgang að menntun sem hann elli hefði ekki.

Símenntun - er lykillinn að því að einstaklingur viðhaldi þekkingu, hæfni og færni sem þarf fyrir hann að dafna í persónulegu-og starfstengdu lífi sínu.

Þróun örnáms

Örnám verður þróað innan Aurora eftir áherslusviðunum fimm en kennarar frá ólíkum Aurora skólum eru hvattir til að þróa og kenna saman örnám eftir eigin smekk og áhugasviði svo lengi sem það passar inn í sviðin fimm.

Sjálfbærni og loftslagsbreytingar
Stafrænt samfélag & alþjóðleg borgaravitund
Menning: Margbreytileiki & sjálfsmyndir
Heilsa & vellíðan
Samfélagsleg frumkvöðlafræði & nýsköpun

Dæmi um þátttöku HÍ í örnámi - Understanding Europe.

Sameiginlegar Aurora námsleiðir

Líkt og með örnám hafa Aurora skólarnir skuldbundið sig til að þróa sameiginlegar námsleiðir sem tengjast beint inn á áherslusvið Aurora.

Sjálfbærni og loftslagsbreytingar
Stafrænt samfélag & alþjóðleg borgaravitund
Menning: Margbreytileiki & sjálfsmyndir
Heilsa & vellíðan
Samfélagsleg frumkvöðlafræði & nýsköpun

Nú þegar hefur farið af stað vinna við að þróa sameiginlega Aurora MS námsleið í "Stafrænu samfélagi, samfélagslegri nýsköpun og alþjóðlegri borgaravitund".

Námsleiðin verður 2ja ára MS námsleið, rannsóknarmiðuð og opin fyrir nemendur með fjölbreyttar BS/BA gráður.

Markmið námsleiðarinnar er að útskrifa sérfræðinga sem geta tekið á og skilið áskoranir og tækifæri samfélagslegra breytinga sem heimurinn stendur frammi fyrir. Það eru t.d mörg siðferðisleg álitamál sem koma upp sbr mannréttindi, frelsi fjölmiðla, umhverfismál o.fl sem þarf að taka tillit til þegar stafræna byltingin riður sér áfram til rúms.

Fjórir Aurora skólar taka þátt í verkefninu ásamt evrópskum háskólum, rannsóknarstofnunum og litlum og meðalstórum fyrirtækjum.

Gert er ráð fyrir að kennsla hefjist haustið 2025.