Markmið Aurora í kennslu er að háskólamenntun valdefli nemendur, fræðilega sem og persónulega, sem styrki þá til að verða breytingavalda í samfélögum framtíðar.
Í kennslu gerir Aurora því þær kröfur að nemendur útrskrifist með hæfni sem nær út fyrir hina fræðilegu hæfni. Þverfræðileg hæfni sbr. alþjóðahæfni, nýsköpunarhæfni og samfélagsvitund eflir nemendur persónulega veitir þeim burði til að takast á við samfélagslegar áskoranir framtíðarinnar.
LOUIS (Learning Outcomes in University for Impact on Society) er verkfæri til að efla þverfræðilega hæfni nemenda. Með LOUIS fá kennarar verkfæri til að setja hæfniviðmið námskeiða í orð**, sem auðveldar þeim** að ræða við nemendur sína um hvaða þverfræðilega hæfni á við hverju sinni.
LOUIS-verkfærið umbreytir þverfræðilegri hæfni í áþreifanlegan námsárangur. LOUIS skilgreinir yfirhæfni og undirhæfni og býður upp á tungutak og orðfæri til að útskýra fyrir nemendum framfarir þeirra**, allt frá einfaldri til flókinnar færni**. LOUIS er stuðningsverkfæri fyrir kennara við að samþætta almenna hæfni inn í kennslu sína með skilgreiningum og hugtökum um þverfræðilega hæfni.
Virði fyrir nemendur
LOUIS hjálpar til við að bæta skilning nemenda á því hvers er ætlast til af þeim í námi og að skilja gildi menntunar þvert á fræðigreinar. LOUIS er ekki síður mikilvægt verkfæri fyrir nemendur til að skilja þá hæfni sem þeir taka með sér úr námskeiði og námi yfirleitt.
Virði fyrir kennara
LOUIS hjálpar kennurum að útskýra þverfræðilega hæfni fyrir nemendum, hvers er ætlast til af þeim og hvernig þeir standa sig. LOUIS hjálpar kennurum við að samþætta þá þverfræðilegu hæfni sem þeir telja mikilvæga inn í námskeið og útskýra fyrir nemendum gildi hennar.
Sjá meira
Meira um LOUIS á Aurora-vefnum
Allur LOUIS hæfniramminn (á Íslensku)
Allur LOUIS hæfniramminn (á ensku)
SEIZMIC – þar sem samfélagsleg frumkvöðlafærni vex. SEIZMIC er mælitæki á frumkvöðla- og nýsköpunarhæfni. Hæfnin er mæld í upphafi og enda námskeiða eða námsleiða.
SEIZMIC-verkfærið skilgreinir hæfni út frá samfélagslegu frumkvæði og nýsköpun**, og metur** hvort námið efli færni og hugarfar nemenda til að takast á við samfélagslegar áskoranir. SEIZMIC getur líka metið sértækar kennsluaðferðir, eins og samfélagslegt þjónustunám (CSL), með tilliti til þess hvort þær efli frumkvöðla- og nýsköpunarhæfni nemenda. SEIZMIC mælir einkum þrennt: áhrif, frumkvöðlafærni og helgun.
Virði fyrir nemendur
Nemendur geta nýtt SEIZMIC til sjálfsmats, sem gerir þeim kleift að bera kennsl á atriði sem þeir vilja bæta sig í og einnig til að þekkja þau námskeið sem efla þessa hæfni.
Virði fyrir kennara
SEIZMIC getur hjálpað kennurum við að skilja hvaða hæfni nemendur búa yfir í upphafi misseris og hvaða hæfni þarf sérstaklega að efla. Með því að bera saman SEIZMIC-stig í upphafi misseris við útkomu í lok misseris geta kennarar metið og skilið hvaða hæfni hefur byggst upp á þeirri önn.
SEIZMIC getur einnig verið notað af kennurum til að þróa námskrár sínar og námsmarkmið út frá ákveðinni hæfni. Einnig er hægt að nota SEIZMIC sem tæki til að auka skilning nemenda á því hvaða SEIZMIC-hæfni þeir eiga að læra í tilteknu námskeiði eða lotu og hvaða hæfni þeir taka með sér úr náminu.
Meiri upplýsingar
BEVI er mælitæki sem mælir hugarfar og viðhorf hópa. Það byggir á sálfræðiprófi sem veitt getur kennurum innsýn í hugarfar nemenda sinna. Hægt er að nota BEVI til að mæla breytingar á heimsmynd og skoðunum nemenda yfir ákveðið tímabil, m.a. vegna áhrifa náms og kennslu. Þegar niðurstöður hóps eru ræddar af næmni getur BEVI stuðlað að auknum skilningi og samkennd meðal nemenda.
Virði fyrir nemendur
Þegar nemendur taka BEVI-prófið fá þeir strax persónulega endurgjöf sem hvetur þá til að ígrunda gildi sín og viðhorf. Þegar niðurstöður nemendahóps eru kynntar og ræddar geta nemendur fengið dýpri innsýn í fjölbreytt viðhorf jafnaldra sinna til lífsins, sem getur ýtt undir samkennd og umburðarlyndi. Þegar mælingar eru gerðar yfir ákveðið tímabil geta þær gefið vísbendingar um persónulegan þroska nemandans.
Virði fyrir kennara
Þegar kennari sér BEVI-stig bekkjarins í upphafi námskeiðs veitir það innsýn í fjölbreytileika hópsins út frá gildum og viðhorfum. Ef hópurinn er prófaður aftur, t.d. í lok námskeiðs, munu samanburðarniðurstöður sýna fram á framfarir og að hve miklu leyti námskeiðið hefur náð markmiðum sínum um að auka víðsýni nemenda. Með því að koma af stað umræðum innan hópsins geta vaknað hugmyndir um mismunandi reynslu og bakgrunn einstaklinga, sem getur hjálpað til við að forðast átök.
Fyrstu skrefin fyrir kennara
Hafðu samband við John Style, prófessor hjá Aurora-skólanum URV í Tarragona: john.style[hjá]urv.cat
Skráðu þig á BEVI-þjálfunarnámskeið. Sæktu um með því að senda póst á john.style[hjá]urv.cat eða skoðaðu vefsíðu Aurora til að fá upplýsingar um næstu námskeið.
Skoðaðu BEVI-vefsíðuna, thebevi.com, fyrir frekari upplýsingar.