Kennsla örnáms fer ýmist fram innan HÍ eða hjá Endurmenntun HÍ. Örnám við Endurmenntun er alltaf boðið í samstarfi við deild innan HÍ og þá ber deildin ábyrgð á hversu mörgum ECTS-einingum námið samsvarar. Alltaf er tekið sérstaklega fram á örnámsleiðinni sjálfri ef hún er kennd hjá Endurmenntun. Nemendur sækir um örnám í umsóknagáttinni eins og annað nám, nema ef það er kennt hjá Endurmenntun þá er sótt um þar.

  • Nám undir 60 ECTS einingum á 1. eða 2. háskólaþrepi. (Oftast 1-15 ECTS skv. EHEA, 1-30 líka algengt).
  • Nám sem getur verið metið upp í námsleið sem leiðir til prófgráðu.
  • Hagnýtt nám með beina skírskotun til hæfni sem þarf að efla á vinnumarkaði.
  • Örnám sem á erindi við aðra en hinn hefðbundna háskólanema.
    • sem er á vinnumarkaði
    • sem hefur ekki tök á að sækja nám á hefðbundnum tímum
    • sem mátar sig ekki við háskóla
    • sem hefur þegar lært og vill ekki fara aftur í háskóla – en þarf samt að læra nýja hluti.
    • sem þarf meiri stuðning til að koma í nám heldur en gengur og gerist.
  • Örnám sem krefst aðlögunar kennsluhátta, námsgagna, námsmarkmiða og/eða stuðnings við nemendur
  • Örnám sem ekki er hægt að fjármagna án þess að innheimta þátttökugjöld.
  • Örnám sem þarfnast flókins utanumhalds (t.d. aðkomu utanaðkomandi leiðbeinenda, handleiðslu, mikið skipulag).
  • Örnám sem er þörf fyrir – en rúmast ekki í starfi deildar, af einhverjum ástæðum.

  • Svara brýnum þörfum og svara kalli um símenntun – án of mikillar fyrirhafnar
  • Deild ber engan kostnað af keyrslu örnáms. Fær greiddan umsýslukostnað fyrir þeim kostnaði sem fellur til á óbeinan hátt vegna námsins í deild.
  • Laðar að fjölbreyttari og mögulega fleiri nemendur.
  • Nemendur geta nýtt örnám upp í prófgráður hjá deild.

  • Örnám í samstarfi við Endurmenntun lýtur sömu gæðakröfum og annað örnám við HÍ.
  • Deild ber ávallt ábyrgð á að námið uppfylli kröfur og fer með það í gegnum samþykktarferli í samstarfi við Endurmenntun.
  • Endurmenntun ber ábyrgð á að framkvæmd sé í samræmi við það sem deild leggur upp með.
  • Endurmenntun er alltaf með tengilið við deild vegna örnáms og fagráð ef svo ber undir.
  • Endurmenntun – innra gæðaeftirlit
    • Kennslu- og þjónustukannanir
    • Verkefnastjórar hafa umsjón með örnámi – vakta námið jafnóðum
    • Fagráð ef svo ber undir – fjallar um gæðamál og fylgir eftir

Endurmenntun er fjárhagslega sjálfstæð stofnun sem fær ekkert fjárframlag frá ríkinu en rekur sig eingöngu á tekjum sem hún aflar. Verðlagning náms miðast ávallt við kostnað en tekur jafnframt mið af markaði. Við verðlagningu náms er tekið mið af breytilegum kostnaði (laun kennara, efniskostnaður, námsgögn o.fl.) jafnt sem föstum kostnaði í rekstri Endurmenntunar (s.s. laun verkefnastjóra, húsnæði, tækjabúnaður, markaðskostnaður o.s.frv.) Við undirbúning örnáms leggur Endurmenntun fram rökstudda tillögu um verðlagningu sem deild tekur afstöðu til.

  • Komi til styrkja vegna örnáms er tekið mið af þeim við verðlagningu enda séu þeir settir inn í verkefnið til að standa straum af hluta kostnaðar.
  • Skv. 64. grein í reglum HÍ er það hlutverk deildar að fá samþykki háskólaráðs fyrir því að tekið sé gjald fyrir nám í samstarfi við Endurmenntun, umfram skrásetningargjald. Þetta verður hluti af samþykktarferli í tilfelli örnáms.

Hver borgar fyrir örnám hjá Endurmenntun?

  • Einstaklingurinn sjálfur
  • Fyrirtæki og stofnanir
  • Sjóðir og stéttarfélög
  • Niðurgreiðsla með styrkjum sem deild aflar  sem Endurmenntun aflar

Tekjuskipting

  • Við verðlagningu náms tekur Endurmenntun mið af því hver undirbúningur er innan deildar jafnt sem hjá stofnuninni sjálfri.
  • Í samningi milli deildar og Endurmenntunar kemur fram hvaða umsýslukostnaður fellur til vegna námsins hjá deild og í framhaldi er gert ráð fyrir þeim kostnaði við útreikning á kostnaði við nám – og verðlagningu þess.
  • Ekki er gert ráð fyrir að örnám í samstarfi við Endurmenntun hafi í för með sér neinn beinan kostnað fyrir deild. Kostnaður vegna vinnu kennara, tengiliðs eða annarra sem kunna að koma að náminu er hluti af kostnaði vegna námsins og fær deild hann greiddan (umsýslukostnaður).
Share