Kynning á rannsókn um kennsluhætti og þörf á stoðþjónustu

Ásta Bryndís Scram lektor og kennsluþróunarstjóri kynnir ásamt Abby Snook rannsókn um kennsluhætti og þörf á stoðþjónustu.

Gögnum var safnað frá kennurum HÍ á vormisseri 2023 og verður farið yfir hluta niðurstaðna. Eftirfarandi þættir verða kynntir:

• Hvort kennarar fengu leiðbeiningu í kennslu áður en þeir byrjuðu að kenna
• Hvort kennarar upplifi stuðning frá kollegum eða deild varðandi kennslu (tengsl)
• Hvort kennarar hafi áhuga á að vinna að kennsluþróun
• Hvort kennarar taki þátt í námskeiðum um kennslu og kennsluþróun og ef svo hversu gagnleg sú kennsla var
• Núverandi kennsluhættir
• Þörf fyrir kennslu í ákveðnum kennsluaðferðum
• Í hvers konar formi sú kennsla ætti að vera

Niðurstöður verða skoðaðar fyrir heildina og fyrir hvert svið. Einnig verða niðurstöður stundakennara/aðjúnkta og fastra starfsmanna bornar saman.

Ef tími gefst til verður fjallað um niðurstöður um trú kennara (gildi) á aðferðir sem vekja áhugahvöt nemenda (motivational strategies) og notkun þeirra á þeim.