Fjölmenningarfærni og menningarnæmi sem eykur kennsluhæfni
Viltu efla hæfni þína til að kenna í fjölbreyttu háskólasamfélagi og skapa öruggt, og inngildandi námsumhverfi fyrir alla nemendur?
Í þessari hagnýtu og gagnvirku vinnustofu fá þátttakendur tækifæri til að:
- Kynnast hugmyndum um menningarnæmi og fjölmenningarfærni í háskólasamhengi
- Kynnast menningarnæmisrófinu og þróa með sér dýpri meðvitund um eigin viðhorf og gildi sem hafa áhrif á samskipti í skólastofunni.
- Skoða menningarísjakann og hvernig fjölbreyttar sjálfsmyndir nemenda birtast í háskólanámi
- Rýna í hvernig mismunun, fordómar og öráreitni geta birst í háskólastarfi – bæði meðvitað og ómeðvitað
- Ræða leiðir til að bregðast við þessum áskorunum á uppbyggilegan og faglegan hátt innan kennslustofunnar
- Fá 10 hagnýt ráð til að vera inngildandi kennari og stuðla að jöfnuði og virðingu í kennslustofunni og í samskiptum við nemendur
Vinnustofan byggir á rannsóknum og reynslu og veitir þátttakendum verkfæri til að efla samskipti, kennslufærni og fagmennsku í fjölmenningarlegu háskólasamfélagi. Hún hentar háskólakennurum og starfsfólki sem vilja efla færni sína í að takast á við fjölbreytileika og stuðla að inngildandi og réttlátu námsumhverfi.
Vinnustofan er samstarfsverkefni Kennslumiðstöðvar HÍ og Spretts, verkefni sem miðar að því að undirbúa nemendur með innflytjendabakgrunn til háskólanáms.
Umsjón: Aleksandra Kojic, verkefnisstjóri á Kennslumiðstöð og Juan Camilo Roman Estrada verkefnisstjóri Spretts.