Setberg

INSPERA FJARNÁMSKEIÐ - Grunnatriði í Inspera

harpadogg — Tue, 10 Sep 2024 15:28:18 +0000

INSPERA FJARNÁMSKEIÐ - Grunnatriði í Inspera

harpadogg 2024-09-10 - 15:28

2024-09-17 - 13:30 - 2024-09-17 - 14:30

Á netinu

Teams

Vinnustofan fer fram á íslensku.

Prófaskrifstofa býður upp á fjarnámskeið um rafræna prófakerfið Inspera fyrir kennara Háskóla Íslands 17. september kl. 13:30 - 14:30.

Námskeiðið verður haldið gegnum fjarfundakerfi H.Í. - Teams.

Skráning hér.

Markhópur:

Allir sem hafa ekki unnið í eða unnið lítið í Inspera prófakerfinu og vilja læra eða rifja upp undirstöðu atriðin í Inspera.

Lögð er áhersla á skilning og verkþjálfun, svo að þátttakendur verði sjálfbjarga við uppsetningu einföldustu spurninga inn í Inspera.

Hæfniskröfur fyrir grunnnámskeið Inspera:

Þátttakendur þurfa að vera með virkt H.Í. netfang en það er lykill okkar að öllum kerfum H.Í. og þ.m.t. Inspera.
Æskilegt er að þátttakendur kunni að skrá sig inn í Inspera og séu búnir að því áður en námskeiðið hefst.
- Á Inspera leiðbeiningasíðum er m.a. að finna grein um innskráningu í Inspera og möguleg vandamál tengd innskráningunni - sjá UGLA - Innskráning (hi.is)
Æskilegt er að þátttakendur hafi a.m.k. 1 - 2 spurningar sem áhugi er fyrir að setja inn í kerfið.
- Við lærum best á því að prófa sjálf.

Námskeiðslýsing

Opið próf vs. Lokað próf
Spurningaruppbygging Inspera
Kennarar læra að gera 3 algengar spurningategundir.
Skipulag spurninga
Svarlykill
Stig og vægi

Við mælum eindregið með að kennarar kynni Cher ítarlega leiðbeiningasíðu prófaskrifstofu um Inspera: UGLA - Leiðbeiningar fyrir Inspera próf (hi.is)

Kennari

Guðmundur Hafsteinn Viðarsson, ghv@hi.is.

Vinnustofa í FeedbackFruits – Verkfærin Hópamyndun og Teymisnám

mariakristin — Mon, 09 Sep 2024 10:50:15 +0000

Vinnustofa í FeedbackFruits – Verkfærin Hópamyndun og Teymisnám mariakristin 2024-09-09 - 10:50

2024-09-18 - 14:00 - 2024-09-18 - 15:30

Setberg

Suðurberg 3 hæð

Vinnustofan fer fram á íslensku.

Miðvikudaginn 18.september munum við bjóða uppá vinnustofu í FeedbackFruits, þar sem verkfærin Hópamyndun (Group Formation) og Teymisnám (Team Based Learning) verða kynnt. Vinnustofan er hugsuð fyrir alla áhugasama kennara um nýtingu FeedbackFruits í kennslu. Í vinnustofunni felst meðal annars yfirferð á verkfærunum Hópamyndun og Teymisnám og einnig fá þátttakendur í kjölfarið tækifæri til að prufa sig áfram. Tveir sérfræðingar verða á staðnum til að fræða, veita aðstoð og svara spurningum.

Dæmi um fræðslu og aðstoð sem kennarar geta fengið í vinnustofunni:

Fræðslu um tólin Hópamyndun og Teymisnám í FeedbackFruits
Sýn á virkni tólanna
Aðstoð við að setja upp verkefni í FeedbackFruits.

Vinnustofan verður frá 14:00-15:30 í Suðurbergi 3.hæð í Setbergi. Mælum með að koma með eigin tölvu.

Bestu kveðjur,

Canvas teymið
Kennslumiðstöð

Upptökur í Canvas Studio, undirbúningur og birting í námskeiði

mariakristin — Tue, 03 Sep 2024 13:58:59 +0000

Upptökur í Canvas Studio, undirbúningur og birting í námskeiði mariakristin 2024-09-03 - 13:58

2024-09-12 - 14:00 - 2024-09-12 - 15:00

Setberg

Miðberg, 2.hæð

Námskeiðið fjallar um grunnatriði í Canvas Studio og undirbúning fyrir upptökur. Farið verður yfir hvernig á að velja réttar stillingar í forritinu og hvernig best er að skipuleggja kennsluupptökur.

Að lokum verður farið yfir það hvernig hægt er að hlaða upptökum upp í Canvas Studio og setja þær inn í námskeið.

Umsjónarmaður námskeiðsins er Rúnar Sigurðsson verkefnastjóri á Kennslumiðstöð

María Kristín Bjarnadóttir nýr Deildarstjóri Kennslumiðstöðvar HÍ

harpadogg — Thu, 22 Aug 2024 13:02:52 +0000

María Kristín Bjarnadóttir nýr Deildarstjóri Kennslumiðstöðvar HÍ

harpadogg 2024-08-22 - 13:02

23. ágúst 2024

María Kristín Bjarnadóttir tók við sem nýr Deildarstjóri Kennslumiðstöðvar Háskóla Íslands í júní 2024. Hún tók við starfinu af Hólmfríði Jennýar Árnadóttur fyrrum deildarstýru Kennslumiðstöðvar sem færði sig um starfsvettvang eftir farsælan starfsferil við Háskóla Íslands.

Kennslusvið óskar Maríu Kristínu innilega til hamingju með nýja starfið og hlakkar til áframhaldandi ánægjulegs samstarfs.

Á sama tíma viljum við þakka Hólmfríði fyrir ánægjulegt samstarf síðustu árin og óskum henni alls hins besta á nýjum vettvangi.

Ína Dögg Eyþórsdóttir nýr Deildarstjóri Matsskrifstofu HÍ

harpadogg — Thu, 22 Aug 2024 12:17:28 +0000

Ína Dögg Eyþórsdóttir nýr Deildarstjóri Matsskrifstofu HÍ

harpadogg 2024-08-22 - 12:17

22. ágúst 2024

Ína Dögg Eyþórsdóttir tók við sem nýr Deildarstjóri Matsskrifstofu við Háskóla Íslands 1.ágúst 2024. Hún tók við starfinu af Gísla Fannberg fyrrum Deildarstjóra Matskrifstofunnar sem lét af störfum í byrjun júlí eftir langan og farsælan starfsferil við Háskóla Íslands.

Kennslusvið óskar Ínu Dögg innilega til hamingju með nýja starfið og hlakkar til áframhaldandi ánægjulegs samstarfs.

Á sama tíma viljum við þakka Gísla fyrir ánægjulegt samstarf síðustu árin og óskum honum alls hins besta á nýjum afslappandi vettvangi.

Kennslumiðstöð og Deild Stafrænnar Kennslu og Miðlunar sameinast í eitt

harpadogg — Wed, 21 Aug 2024 13:39:48 +0000

Kennslumiðstöð og Deild Stafrænnar Kennslu og Miðlunar sameinast í eitt

harpadogg 2024-08-21 - 13:39

23. ágúst 2024

Í júní sameinuðust Kennslumiðstöð og Deild Stafrænnar Kennslu og Miðlunar í eitt undir nýrri Kennslumiðstöð. Þessar breytingar gera kennurum við HÍ kleift að sækja þjónustu og aðstoð hvort sem er kennslufræðilega eða tæknilega á sama stað. Kennslumiðstöð býður uppá margbreytilegan stuðning við kennara, meðal annars er varðar:

Starfsfólk Kennslumiðstöðvar veitir kennurum þar með aðstoð við flest það sem snýr að kennslu og notkun stafrænna lausna.

Minnum á að óskir um aðstoð vegna kennsluþróunar skulu sendar á k ennslumidstod @hi.is
Og óskir um aðstoð við tæknimál og Canvas skulu sendar á help@hi.is

Með sameiningu Kennslumiðstöðvar og Deild Stafrænnar Kennslu eru starfsmenn Kennslumiðstöðvar eftirfarandi:

Aleksandra Hamely Ósk Kojic
Ásta Bryndís
Guðrún Geirsdóttir
Harpa Dögg Fríðudóttir
Kristbjörg Olsen
María Kristín Bjarnadóttir - Deildarstjóri
Sandra Berg Cepero

Að skrifa og kenna með raundæmum (e. cases)

mariakristin — Fri, 05 Jul 2024 11:47:53 +0000

Að skrifa og kenna með raundæmum (e. cases)

mariakristin 2024-07-05 - 11:47

2024-08-19 - 14:00 - 2024-08-19 - 15:30

Setberg

Suðurberg

Vinnustofan fer fram í Suðurbergi, 3.hæð í Setbergi.

Notkun raundæma (e. case) verður æ algengari í háskólakennslu. Raundæmi lýsa raunverulegum eða tilbúnum aðstæðum og setja nemendur í hlutverk þess sem greina þarf þær aðstæður. Nemendur eru þannig að reyna á sig í aðstæðum sem eru nálægt þeim raunveruleika sem mætir þeim að námi loknu. Kennsluaðferðir reynir á virka þátttöku nemenda, sköpunargleði, greiningarhæfni, leikni í framsetningu efnis og teymisanda.

Kennslumiðstöð og Kennsluakademían bjóða upp á vinnustofu um ritun raundæma og hvernig þau eru notuð í kennslu. Leiðbeinandi á vinnustofunni er Jordan Mitchel, case writer, en hann hefur áratuga langa reynslu af gerð raundæma í samvinnu við háskólakennara. Jordan mun fjalla um hvers konar kennsluaðferð það er að skrifa og kenna með raundæmum. Áhersla er á hlutverk kennarans og nemendamiðaða kennsluhætti með notkun raundæma.

Kennslumálasjóður styrkir verkefnið sem miðar að því að kynna fyrir kennurum háskólans möguleika raundæma í kennslu. Það er leitt af Þresti Olaf Sigurjónssyni, prófessor við Viðskiptafræðideild. Háskólaútgáfan er samstarfsaðili verkefnisins.

Kynningardagur fyrir nýja kennara

mariakristin — Fri, 05 Jul 2024 11:36:18 +0000

Kynningardagur fyrir nýja kennara

mariakristin 2024-07-05 - 11:36

2024-08-16 - 09:00 - 2024-08-16 - 14:00

Setberg

Suðurberg

Kynningardagurinn fer fram í Suðurbergi, 3.hæð í Setbergi.

Kynningardagur fyrir nýja kennara

Velkomi(n-nn-ð) til starfa við Háskóla Íslands

Kennslumiðstöð Háskóla Íslands býður nýjum kennurum við skólann til kynningardags föstudaginn 16. ágúst kl. 9:00-14:00 í Setbergi – húsi kennslunnar. Kennarar fá innsýn í starf háskólakennara, hvaða stuðning þeir geta fengið við kennsluna og hvar þeir geta leitað aðstoðar á fræðasviði sínu.

Skráning

Dagskrá:

9.00 – 10.15: Að koma nýr inn í háskólaumhverfi
10.15 – 10.30 Kaffihlé
10.30 – 11.00: Fyrsti dagurinn og nemendamiðuð kennslusýn
11.00 – 11.45: Kynningar á stuðningi
11.45 – 12.00: Að leggja drög að þróun eigin kennslu og kynning á áframhaldandi námskeiði
12.10 – 13.00 Léttur hádegisverður með kennslustjórum og kennsluþróunarstjórum fræðasviða
13.00 – 14.00 Nokkrar góðar venjur í stafrænni kennslu

Kveðja, starfsfólk Kennslumiðstöðvar

Opin vinnustofa í Canvas

mariakristin — Fri, 05 Jul 2024 11:29:06 +0000

Opin vinnustofa í Canvas

mariakristin 2024-07-05 - 11:29

2024-08-12 - 13:00 - 2024-08-12 - 15:00

Setberg

Suðurberg

Vinnustofan fer fram í Suðurbergi, 3.hæð í Setbergi.

Fimmtudaginn 8.ágúst munum við bjóða uppá opna vinnustofu í Canvas. Vinnustofan er hugsuð fyrir kennara sem eru að vinna í því að setja upp námskeiðsvefi fyrir næsta misseri. Tveir sérfræðingar verða á staðnum til að veita aðstoð og svara spurningum.

Dæmi um aðstoð sem kennarar geta fengið í vinnustofunni:

Aðstoð við uppsetningu á verkefnum og vægi verkefnahópa
Aðstoð við að setja upp verkefni í FeedbackFruits
Aðstoð við að flytja efni á milli námskeiða
Uppsetning á kennsluáætlun í Canvas

Vinnustofan fer fram í Suðurbergi 3.hæð í Setbergi og verður í gangi frá 13:00-15:00. Vinnustofan er opin og geta kennarar komið og farið eftir hentugsemi.

Skráning á vinnustofuna fer fram hér.

Bestu kveðjur,

Canvas teymið
Kennslumiðstöð

Grunnþjálfun í Canvas

mariakristin — Fri, 05 Jul 2024 09:28:41 +0000

Grunnþjálfun í Canvas

mariakristin 2024-07-05 - 09:28

2024-08-12 - 10:00 - 2024-08-12 - 12:00

Á netinu

Fræðslan fer fram á Teams.

Grunnþjálfun í Canvas

Þetta námskeið er fyrst og fremst sniðið að kennurum sem eru að hefja notkun Canvas. Þau sem vilja rifja upp eru einnig velkomin.

Námskeiðið fer fram á Teams.

Farið verður í:

Skipulag námskeiðsvefs og helstu virkni sem nauðsynlegt er fyrir kennara að þekkja.
Stillingar námskeiðs.
Að deila námsefni, skrám eða upptökum með nemendum.
Setja upp verkefni (skilahólf).
Senda tilkynningar.
Uppsetningu á vægi verkefna o.fl.

Á námskeiðinu skiptist á fræðsla og sýnikennsla ásamt stuttum vinnulotum þar sem þátttakendur setja upp atriði á eigin æfingasvæði í Canvas.

Þau sem ekki komast á þetta námskeið geta kynnt sér efni þess á netinu og skoðað leiðbeiningar fyrir Canvas.

Sjá einnig Hjálp og ráðgjöf vegna Canvas.

Skráðir þátttakendur fá sendan hlekk á fjarfundinn skömmu áður en viðburður hefst.

Skráning er nauðsynleg fyrir þennan viðburð. Skráning hér.

Vinsamlegast athugið að lágmarksfjöldi þátttakenda er 5 manns.